About Jr.College

गेल्या 90 वर्षापासून अंबरनाथच्या शैक्षणिक आणि सामाजिक उपक्रमात तसेच जडणघडणीमध्ये महात्मा गांधी विद्यालय व श्रीमती ताई कोळकर कनिष्ठ महाविद्यालय ही शाळा नेहमीच अग्रेसर राहिली आहे. काळाची पाऊले ओळखून शिक्षण क्षेत्रात सतत होत असणाऱ्या बदलांना सामोरे जाण्यासाठी शाळा देखील नेहमीच दोन पाऊले अग्रेसर आणि तत्पर राहिली आहे. विद्यार्थ्यांच्या सर्वांगीण विकासासाठी नुसते पुस्तकी ज्ञान न देता उपक्रम आणि अनुभव यांच्या जोरावर शाळेचा विद्यार्थी हा बाहेरच्या जगात टिकला पाहिजे तसेच त्याचे भावी जीवन समृद्ध झाले पाहिजे यासाठी शाळा नेहमीच प्रयत्न करत असते. नवीन शिक्षण धोरण 2020 ला सामोरे जाताना शाळा, शाळेचे प्रशासन, शाळेतील शिक्षक व शिक्षकेतर कर्मचारी, विद्यार्थी तसेच पालक आणि समाज हे सर्व घटक सजग झाले पाहिजे यासाठी शाळेने नेहमीच जाणिवपूर्वक प्रयत्न केले आहेत. विद्यार्थी आणि पालकांसाठी नवीन शैक्षणिक धोरणाची माहिती व्हावी यासाठी शाळेने वेळोवेळी पुढाकार घेऊन चर्चासत्रे तसेच पालक प्रबोधन वर्ग आयोजित केलेत. त्याचा परिपाक म्हणजे आज शाळेचा विद्यार्थी पालक आणि शिक्षक हा नवीन शैक्षणिक धोरणानुसार येऊ घातलेल्या बदलांना सामोरे जाण्यासाठी सिद्ध झाला आहे. नवीन शैक्षणिक धोरणानुसार विद्यार्थ्यांचा पंचकोशानुसार सर्वांगीण विकास घडवून आणण्यासाठी नवनवीन अध्यापन पद्धतींचा वापर करून अध्ययन प्रक्रिया अधिक सुलभ करण्यासाठी शाळेतील शिक्षक आणि प्रशासन हे अहोरात्र झटत आहेत. पंचपदीच्या सूत्रानुसार अध्ययन घटक अधिक समृद्ध करून विद्यार्थ्यांपर्यंत पोहोचवण्यासाठी शाळेतील प्रत्येक शिक्षक हा कटिबद्ध आणि तत्पर आहे. हे निश्चितच या निमित्ताने सांगावेसे वाटते.